Davao City – Arestado sa ginsakpan sa Intelligence sa Davao City Police Office (DCPO) ang duha ka drug pusher human nagpositibo sa pagbaligya og shabu sa gihimong buy bust operation atbang sa Davao City Overland Transport Terminal (DCOTT), Ecoland, Davao City.
Dinakpan mao sila Michael Hamiron, 30 anyos, residente sa Brgy. RH3, Shariff Kabunsuan, Cotabato City ug James Briones, 43 anyos, driver, nga-taga Libongan, North Cotabato. Sumala pa napalitan sa kapulisan ang duha ka suspek sa usa ka sachet nga shabu kambiyo ang kapin P10,000 mil nga buy bust mark money sa mga awtoridad nga miresulta sa pagkaaresto.
Narekober sa kapulisan ang laing usa ka pakete sa shabu nga dunay estimated street market value P7,500.00, usa ka cellphone ug drug paraphernalia.
Ang duha ka dinakpan balhug na sa selda sa Davao City Police Office (DCPO) ug mag-atubang sa kasong kalapasan sa RA 9165 (Comprehensive Dangerous Drugs Act of 2002).
RadyoMaN Don Pulayao
