Davao City – Mag-atubang og kasong kalapasan sa Presidential Decree 1602 (Illegal Gambling) ang duha ka lalaki nga nanabong.
Giila sa kapulisan sa Buhangin ang mga naaresto nga sila Ruben Labando, 38 anyos, mason ug residente sa Purok Santiago ug Edgar Lopez, 43 anyos, DCWD maintenance, nagpuyo sa Purok Sta. Cruz, Brgy. Indangan, Buhangin District syudad sa Davao.
Sumala pa naaktuhan sa kapulisan nga nagsabong ang mga suspek sa gikasang operation sa nasangpit nga lugar samtang abtik usab nga nakasibat ang mga kaubanan niini.
Nakuha gikan sa duha ka suspek ang usa ka cockfighting rooster, usa ka gaff tape ug bet money P500.00.
Ang duha ka dinakpan detinado karon sa Buhangin Police Station.
RadyoMaN Don Pulayao
Facebook Comments
