Davao City – Dakdanan karon og kasong may paglapas sa R.A. 9165 ang duha ka mga tigpayuhot og iligal nga droga nga nadakpan sa duha ka mga buybust operations sa Bunawan PNP.
Sa interbyu sa RMN Davao kang Bunawan PNP station commander Police Major Noel Villahermosa nga ginabyahe lamang sa mga suspek nga gikan pa’g Davao del Norte ang maong mga droga aron ibaligya lamang dinhi sa Davao City.
Unang naaresto didto sa Km. 26 Licanan Lasang, Davao City ang giingong pusher nga si Christian Jinayon, 22 anyos, taga-San Miguel, Tagum City.
Sikop kini sa pagmaligya’g shabu ngadto sa poseur buyer sa kapulisan.
Dakpan usab sa maong lugar ang taga-Southern Davao, Panabo City nga drug suspect nga si Ronald Bautista, 29 anyos sa pagpamaligya’g droga.
Mobalor sa P60,000 nga shabu ang nasakmit sa atol sa gikasang duha ka mga buy-buyt operations.
RadyoMaN Aimee Guinita
