Sa report nga nadawat sa DXDC RMN Davao gikan Davao City Police Office (DCPO), unang nakadawat og chat sa messenger ang magtutudlo sa may F. Torres Street, nga dunay indibidwal nga gidudahang nagbilin og bomba sulod sa tunghaan, alas-9:23 sa buntag.
Nasundan pa kini human laing magtutudlo na sab sa Mintal, Tugbok District ang nakadawat sa mensaheng nag-ingong duna silay gibutang nga bomba sulod sa tunghaan, alas-12:45 sa udto ug nagbahad pa nga mu-buto kini alas-3 sa hapon.
Hinuon, abtik kining gipangrespondehan sa mga kapulisan ug wala silay nasayrang bomba sulod ug gawas sa duha ka tunghaan.
Luwas sab nga nakahikling ang mga estudyante ug mga magtutudlo sa maong lugar.
Sa karon, padayong ginasubay sa mga otoridad kinsa ang responsable sa mga pagpanghulga ingon man usa sa tunghaan nagdeklara nga mag asynchrounous class na lang usa.
RadyoMaN Leo Battulayan
