Patay diha-diha ang driver sa duha kasakyanan, human kini nagbangga, didto sa may Sitio horseshoe, brgy. Bitoon, Sindangan,ZDN kagahapong adlawa mga alas 2:45 sa hapon kapin kun kulang.
Sa nahimong imbistigasyon sa kapulisan sa maong lungsod, naila ang mga biktima nga si Lloyd Balagasi Asumbrado, 35, menyo, nagmaneho sa Toyata Hi Ace Van, nagtangag sa plaka numero VO8809, molupyo sa Regency Palin Subdivision, Iponan, Cagayan de oro city, padulong kini sila ning atong dakbayan sa Dipolog, adunay siyam (9) ka pasahero.
Matod pa Paghidangat sa pampasaherong van sa likoon nga dalan sa nahisgutan nga barangay aksidente kining nagkabangga-ay sa Mitsubishi Van nagtangag sa plaka numero RDD-597, gimaneho kini ni Raul Alfante Lasay, 37, menyo, residente sa brgy. Motibot, Sindangan, ZDN, adunay lima (5) ka pasahero sa maong sakyanan, samtang ang usa ka sakay sa Mitsubishi Van nga si Famelo Andap Lasay, 71, gideklara kining dead on arrival sa balay tambalanan.
Ang uban nga pasahero naka angkon lamang ug minor injury apan luwas na kini sila.
Sa pagkakaron padayon pa gihapon ang gihimong imbistigasyon sa kapulisan kung unsay hinungdan sa maong panghitabo.
