Tingkagol na karon sa balay bilangguan ang usa ka pinangita sa balaod human kini nasikop sa gihimong operasyon sa kapulisan sa Manukan sa pagpangulo ni SPO4 Tito Cadunggog Barrios. Naila ang maong dinakpan nga si Cristy Salida y Salvo, 48 anyos pinaagi kini sa warrant of arrest nga bitibit sa mga pulis.
Gikan sa lamesa ni Judge Veronica C. DG-Laput, MTC, manukan sa kasong Grave Oral Defamation. Ang korte nag rekomenda pyansa sa kantidad nga P12,000mil.
Samtang, dili palang dugay laing pinangita sa balaod ang nasikop sa Katipunan PNP sa pagpanguna ni SPO1 Fernando Supeter Gomolon Jr. didto sa brgy. Dr. Jose Rizal lungsod sa Katipunan ning probinsya.
Ang nasikop mao si Gaspar Banlaygas yGerodias, 56 anyos, mag-uuma, molupyo sa nahisgutan nga dapit.
Ang maong pinangita sa balaod aduna kini warrant of arrest sa kasong Qualified Theft Of Coconuts ilawom sa CC no. 11614, penetsahan ug Marso 21, 2018.
Ang maong mga dinakpan giproseso na sa kapulisan ang kasong ipasaka batok kanila.
