Duha nabuthan sa pabuto na piccolo sa pagsugat sa Pasko sa Surigao City
Duha an nabuthan sa pabuto na piccolo sa pagsugat sa Pasko sa Surigao City. Ini human na tagdaya sa Caraga Regional Hospital an duha ka mga menor de edad. Sa nakuha na impormasyon nan RMN, an duha ka waya panganli na kabataan an tagdaya nan ila tagsa-tagsa ka pamilya sa amo na hospital resulta sa minor injuries na naangkon sa paggamit nan pabuto na piccolo. Hinoon human nahatagi nan atensiyong medikal an tagpapauli ra ini sa ila mga panimayay. Sa iban an kalungsuran sakop nan Surigao del Norte, namahayag an PNP Prov’l. Director Senior Supt. Antony Maghari na wayay ila na-monitor na nabuthan nan lain-laing pyrotechnic materials. Sa ila assessment isab an sumaya pa nahimong malinawon sa kinatibuk-an an pagsugat sa Pasko.
