Davao City – Wala na masalba sa mga kaubanan sa trabaho ang duha ka lalake ug nakabsan gayod sila sa ilang kinabuhi human nalumos 7:50 sa buntag kagahapon adlawa.
Giila ang mga namatay mao sila Rolando Pagatpat ug si Jason Pescadero, pulos hamtong, trabahante sa Cabaguio Farm ug nagpuyo sa Fatima village, Barangay Mandug distrito sa Buhangin.
Suma sa inbestigayon sa Buhangin PNP Homicide and Arson Section, naglimpyo matud pa ang duha sa reservoir sa farm dihang aksidente sila nahulog gahapon sa buntag.
Ang nasangpit nga reservoir dunay gihabugon nga 25 feet ug puno sa tubig ug nasayran nga nagkapa-kapa pa ang duha dihang nangahulog sila apan gumikan sa kalawom wala dayon sila maluwas.
Human sa pila ka minuto paghakwat sa lawas sa mga biktima gisuwayan pa sila og luwas sa ilang mga kaubanan apan di malas tungod kay wala na masalba ang ilang mga kinabuhi.
Ang patay’ng lawas sa duha gidala na sa punerarya sa nasangpit nga lugar.
RadyoMaN Joel Viray
