TACLOBAN CITY – Arestado han Philippine Drug Enforcement Agency (PDEA) an duha nga babaye nga gin-aaligar nagbabaligya hin illegal nga droga ha Brgy. 38, Sabang District, Tacloban City.
Ginkilala an mga suspek nga hira Susan Tabao alyas “Susan Magaan”, 39 anyos, maya asawa, waray trabaho ngan hi Erna Magaan, 29 anyos, mayada live-in partner, waray trabaho ngan pareho nga residente ha Brgy. 69 Anibong ha syudad han Tacloban.
Ha gindumara nga buy-bust operation han PDEA, napalit tikang ha mga suspek an 1 nga transparent plastic sachet han gin-aaligar shabu nga may kabug-at nga usa ka-gramo nga nagkakantidad naman P7, 000.00
Labot la hito, narekober gihapon tikang ha lugar an usa nga meduim sachet ngan small sachet han gin-aaligar shabu ngan usa nag sachet han Marijuana.
Hi Tabao in maatubang ha mga kaso nga sale of dangerous drugs ngan possession of dangerous drugs, samtang, hi Magaan naman in maatubang ha kaso nga possession of dangerous drugs.
Paslak na an mga suspek ha pdea detention facility.
