Duha nga mga midaug sa Radyo Milyonaryo sa Gensan, dako ang pagpasalamat!

22

Genral Santos City— Hilabihan ang pagpasalamat sa duha ka mga mananaug gikan ning dakbayan human mabunutan sa bag-uhay lang nga grand draw sa radyo milyunaryo.

Sumala kang Maria Eva Esber nga residente sa prk. 4, Sto. Niño, Brgy. Apopong ning dakbayan nga wala siya nasayod nga usa siya sa mga midaug sa grand draw gumikan sa naguba ang iyahang radyo wala kini nakapaminaw.

Nahibong nalang kining adunay mga personahe gikan sa RMN Gensan ang mibisita kaniya rason nga dako ang iyahang kalipay sa 10mil ka pesos nga iyahang nadag-an.

Pamahayag niini nga Milo ang iyahang nahimong entry nga miabot ug kapin 700 ug wala niya gilauman nga gikan sa4.5 milyon nga entries, usa siya sa mga swerteng nabunutan.

Samtang si Melchor Yuson nga taga Phase 1, Blk. 2, Litan Ville, Brgy. Sinawal ang nagpasalamat usab sa 25mil ka pesos nga iyahang nadaugan.

Pamahayag niini nga ang maong kantidad ang dakong tabang gumikan sa ilahang galatuhon sa hospital human nga maoperahan kini sa iyahang sakit ug bag-uhay lang usab naoperahan ang iyahang anak.

Panghinaut niini nga magpadayon ang Radyo Milyonaryo sa RMN aron nga mas daghan pa ang matabangan.

Facebook Comments