Duha nga motorsiklo nagbungguay, 2 patay

1034

TACLOBAN CITY – Nagbungguay an duha nga motorsiklo ha Brgy. Cantimawa, District 6, Burauen, Leyte, alas 9:40 han gab-i, kasanggab-i.

Basi ha report han Police Regional Office 8, ginkilala an driver han single nga motorsiklo nga hi Art Jhon Salvador, 15 anyos, residente ha Sta Ana, La Paz, Leyte ngan mayada hiya duha unidentified backrider.

Ginkilala naman liwat an driver han motorsiklo nga may sidecar nga Hi Jason Mangallon, 33 anyos, may asawa, residente ha Cantimawa District 6 Burauen Leyte, sakay gihapon niya an iya anak nga hi Mags Mangallon, 8 anyos.

Ha nagawas nga inisyal nga imbistigasyon han mga otoridad, ginbabaybay han single nga motor an kakalsadahan tikang ha La Paz Street, Burauen, Leyte tipakadto ha La Paz, Leyte, samtang, ginbabaybay naman han motorsiklo nga may sidecar an opposite direction, tikang ha Brgy Sta. Ana, La Paz, Leyte tipakadto ha Burauen proper.

Nag-encroach an motorsiklo nga may side car ha opposite lane ngan waray kakita nga makakatapo na ngayan niya an single nga motor. Didto na nahinabo an pagbungguay han duha nga motorsiklo.

Patay an duha nga driver, samtang samaran naman an mga sakay hini upod na an 8 anyos nga bata.

Facebook Comments