TACLOBAN CITY – Patay an driver han single nga motor matapos nga
mai-kabunggo liwat hini an usa liwat nga single nga motor.
Ginkilala an driver han Honda XRM nga may kolor nga busag ngan pula nga hi
Elpedio Donaire Amatosa, 50 anyos, usa nga parag-uma, ngan residente ha
Brgy. Sto. Nino Villareal, Samar
Ginkilala naman liwat an driver han usa liwat nga Honda XR, nga pareho
gihapon an kolor nga hi Benito Hermida Bardaje, 27 anyos, usa nga
habal-habal driver ngan residente ha Brgy. Lam-awan ha pareho nga bungto.
Ha inisyal nga imbistigasyon han mga otoridad, an duduha nga motor in
ginbabaybay an opposite direction, hi Amatosa in tikang ha VillaReal proper
tikadto ha Brgy. Sto. Nino han Villareal samtang hi Bardaje in tikang ha
Brgy. Sto. Nino tikadto ha proper han Villareal.
Han kamakusog han padalagan, han pagliko na ha nasabi nga kalsada didto na
nagbungguay an duduha nga motor.
Gindara an pareho nga driver ha Hospital ha Tacloban pero dead on arrival
hi Amatosa.
