Davao City – Gawas sa Mt. Mayon, ginamonitor karon sa National Disaster Risk Reduction & Management Council (NDRRMC) ang duha pa ka bulkan dinhi sa Pilipinas.
Sumala ni Romina Marasigan sa NDRRMC, aduna silay nakita nga volcanic activities sa Mt. Kanlaon sa Negros ug Mt. Bulusan sa Sorsogon gani gipailawon kini sa alert level 1.
Samtang anaa pa gihapon sa alert level 3 ang Mt. Mayon diin 5000 na ka mga pamilya ang mi-evacuate nga sakop sa ‘extended danger zone’, pito ka kilometros gikan sa Mt. Mayon.
“Nagkaroon tayo ng mud flow o kaya lahar flow kaya pati sa dadaanan neto ay pinalikas na rin ng lokal na pamahalaan ng Albay,” segun ni Marasigan.
Padayong ginabantay karon sa Philippine Institute of Volcanology and Seismology (PHIVOLCS) ang Mt. Mayon kansa mohatag og rekomendasyon kung ipataas ang level of alertness sa maong lugar.
RadyoMaN Jason Amisola
