GENERAL SANTOS CITY – Gikawatan na og gisunog pa sa kawatan ang panimalay sa Purok Malipayon, Crossing Makar, Barangay Labangal sa wala mailhing responsable sayo sa buntag alas-2 ang takna adlawng Byernes.
Kahibaw-an nga nangayog tabang ang usa ka Tenieza Caballes kansang caretaker sa panimalay ngadto sa Bureau of Fire Protection og sa Police Station 2 Makar nga gipanag-iyahan sa usa ka Rolly Dulduco 60 anyos nga taga Gensan human nga gikawatan ug gisunog pa ang gibantayan nilang balay, diin damay pa ang laing usa pa ka balay.
Pahayag niini nga nakamata nalang sila sa iyang bana human nga nakadungog ug lagapak og dihang ilang gigawas wagtang na ang ilang LPG apan ilang namatikdan nga nagkalayo na ang pultahan nga bahin sa kusina sa balay ni Dulduco.
Paspas ang pagkatag sa kalayo mao nga walay nasalbar ang mga nahisgutan sa mga gamit sulod sa maong balay.
Nasayran nga dako na kaayo ang kalayo dihang miabot ang mag bombero. Samtang basi sa inisyal nga imbistigasyon nasuta nga kagahapong adlawa, gisulod na usab sila ug kawatan ug posibling gibalikan pag usab aron kawatan.
Sa karon nagpadayon ang gihimong imbistigasyon sa kapulisan ug sa BFP Gensan kalabutan sa maong insidenti.
For more info’s and updates, like and share our official facebook account : www.facebook.com/ifm91.9Gensanofficial/
