Sa interview sa DXDC RMN Davao kang Police Major Amante Nozares, Acting Station Commander sa Marilog Police Station, gibutyag niini, giila ang mag-ig-agaw nga namatay nga sila Emma Ansang Bansilan, 49 anyos ug Nenita Ansang Noa, 53 anyos ug laing pito ka mga kauban ang na-injured parehong residente sa nasampit nga lugar.
Segun ni Nozares, inisyal nga imbestigasyon sa kapulisan, samtang nag-ani og humay ang mga biktima sa dihang mibundak ang kusog nga ulan hinungdan nga nangita sila og kapasilongan nga payag sa maong lugar. Samtang didto na sa sulod sa payag, kusog nga kilat ang miigo sa mga biktima diin duha ang gideklarang nakabsan sa kinabuhi.
Ang mga nangaangol, padayong gitambalan sa Southern Philippines Medical Center (SPMC) mao sila Arlyn Dalagma, 49 anyos, Lito Ansang, 60 anyos, Jerry Ogaw, 44 anyos, Rowena Larisa, 46 anyos, Joel Ansang, 30 anyos, Noeme Altobar, 58 anyos ug Mila Monoy, 20 anyos. Samtang ang duha nga namatay anaa na sa usa ka punirarya sa Calinan District, syudad sa Davao.
RadyoMaN Don Pulayao
