Mambusao, Capiz – Duha ang patay samtang apat ang padayon nga ginabulong matapos aksidente nga nabunggo ginasakyan sang mga ini nga Nissan Navarra 2.5 VEM Pick-up sa puno sang mangga sa Barangay Caidquid, Mambusao, Capiz.
Gindeklarar nga dead-on-arrival sa Mambusao District Hospital ang driver nga si Rodel Macalua Aldea Jr., 33-anyos ang Zamboanga City, Zamboanga Del Sur kag pasahero nga si Rizaldy “Beboy” Galicto matapos nga nag-angkon sang patal nga pilas sa lawas resulta sang mabaskog nga pagkabunggo sang salakyan.
Samtang padayon nga ginabulong sa ospital ang mga kaupdanan sang mga ini nga sanday Jeser Orario Arciles, 36-anyos, construction worker, residente sang Barangay Maninang, Sapian, Capiz; Jay-R Daliva Dela Cruz, 24-anyos sang Barangay Lanot, Roxas City; Joson Torres Carandez, 32-anyos sang Barangay Maninang, Sapian kag Rodel “Dodong” Cabanjao.
Suno sa imbestigasyon sang Mambusao MPS, pasado alas 10 sang gab-i halin ang mga biktima sa ilimnan sa Food Festival sa Mambusao kag pauli na sa banwa sang Jamindan.
Bangod sa kahulugbon, posible nga wala makontrol sang driver ang manibela kag lumapaw sa ginasubay nga karsada antes nga nabunggo sa dako nga puno sang mangga.
Ginrespondehan sang mga katapo sang Mambusao Emergency Response Unit (MERU) ang insidente kag gindala sa ospital ang mga biktima apang ginbawian sang kabuhi ang duha sa mga ini.
Nagapadayon ang imbestigasyon sang kapulisan sa amo nga insidente.
Gindeklarar nga dead-on-arrival sa Mambusao District Hospital ang driver nga si Rodel Macalua Aldea Jr., 33-anyos ang Zamboanga City, Zamboanga Del Sur kag pasahero nga si Rizaldy “Beboy” Galicto matapos nga nag-angkon sang patal nga pilas sa lawas resulta sang mabaskog nga pagkabunggo sang salakyan.
Samtang padayon nga ginabulong sa ospital ang mga kaupdanan sang mga ini nga sanday Jeser Orario Arciles, 36-anyos, construction worker, residente sang Barangay Maninang, Sapian, Capiz; Jay-R Daliva Dela Cruz, 24-anyos sang Barangay Lanot, Roxas City; Joson Torres Carandez, 32-anyos sang Barangay Maninang, Sapian kag Rodel “Dodong” Cabanjao.
Suno sa imbestigasyon sang Mambusao MPS, pasado alas 10 sang gab-i halin ang mga biktima sa ilimnan sa Food Festival sa Mambusao kag pauli na sa banwa sang Jamindan.
Bangod sa kahulugbon, posible nga wala makontrol sang driver ang manibela kag lumapaw sa ginasubay nga karsada antes nga nabunggo sa dako nga puno sang mangga.
Ginrespondehan sang mga katapo sang Mambusao Emergency Response Unit (MERU) ang insidente kag gindala sa ospital ang mga biktima apang ginbawian sang kabuhi ang duha sa mga ini.
Nagapadayon ang imbestigasyon sang kapulisan sa amo nga insidente.
Facebook Comments
