Davao del Sur – Mokabat sa 60 mil ka mga indibidwal o kapin 10 mil ka mga pamilya ang apektado sa Matan-ao, Davao del Sur nga maoy sentro sa Magtinude 6.9 nga linog.
Sa rekord sa Matan-ao LDRRMO anaa sa 300 hangtod 400 ka mga balay ang nadamyos, lakip na ang Municipal Hall, Barangay Halls, Gyms, Health Centers.
Samtang duha na usab ang natalang casualty nga mao sila Cherbelchen Imgador, 6 anyos nga taga- Barangay Asinan human natabunan sa nahagsa nilang balay ug 81 anyos nga taga-Barangay La Suerte nga si Juliana de Cagas, kinsa giatake sa kasing-kasing nga miresulta sa kamatayon
Gipasalig ni Matan-ao Mayor Vincent Fernandez nga mahatagan ug mga ayuda ang 33 ka mga apektadong Barangays.
Sumala sa alkalde nag-request na kini og 13 mil ka mga food packs sa Department of Social Welfare and Development (DSWD-XI).
RadyoMaN Aimee Guinita
