Patay an isa ka batan-on sanan kandidato pagka barangay kagawad sajo kuman gabii sa may suod na bahin nan PACEMCO barangay Quezon sakop sa syudad nan Surigao human an ila tagsakyan na motorsingle an mibangga sa isa ka kasugat na bus pasingod sa Butuan City.Patay on the spot an driver na 16 anyos na tagkilaya na isa ka Arnel Bonilla samtang an ija isab angkas na kandidato pagka kagawad sa barangay nan Mapawa na si Jerry Mopal, 40 anyos an namatay isab. Duha ka lain pa nila na mga kaibanan na sakay gihapon sa amo na motorsiklo an dali na tagdaya sa ospital. Sumaya pa sa nakuha na impormasyon sa RMN DXRS na gikan an mga biktima namista sa Purok 11 brgy. Trinidad sa did on na nahitabo an aksidente sa ila pagpasingod unta dri sa syudad ini kalit na misdasmag sa isa ka bus liner na pasingod isab an biyahi sa Butuan. Tag imbestigahan pa isab kuman sa mga otoridad an posibilidad na nakainom an mga biktima.(RadyoMaN Jerson Fuentes)
