Davao City – Gideklarang dead on arrival sa Southern Philippines Medical Center (SPMC) ang duha ka mga driver sa motorsiklo kinsa nagbangga alas 11:05 kagabii.
Kabsan na sa kinabuhi sa Central 911 ang mga biktima nga mao sila si Adrian Datuin, 28 anyos, nagpuyo sa Waling-Waling St. Buhangin, ug Alexander Mascarinas, 29 anyos, mason, ulitawo, ug residente sa Purok 8, Communal, Buhangin District ning dakbayan.
Base sa imbestigasyon sa Traffic Section sa Buhangin PNP, nasayran nga migawas sa kanto sa San Vicente Street ang biktima sakay sa iyang motor ug mupaingon unta sa southbound area agi sa C.P. Garcia National Highway dihang kalit mibuto ang naghaguros nga motor nga gidrayban ni Alexander resulta nga mibangga kini sa kilid sa motor ni Adrian.
Tungod sa kakusog sa impact sa pagkabangga, pareho nalagpot og pila ka metros ang mga biktima lakip na ang angkay ni Alexander nga si Apdullag Magracia.
Daling gisapupo sa Medic Team sa Central 911 ang tulo paingon sa SPMC apan di’ malas kay pareho gideklara nga wala nay kinabuhi ang mga drivers.
Samtang padayong gitambalan sa ospital ang angkay nga si Apdullah gumikan sa mga pangos pangos nga iyang nahiagoman.
RadyoMaN Joel Viray
