> LOOK! Duha an patay sa dihang tagpusil kagabi sa may Pantalan 1, Brgy. Taft, Surigao City. Tagkilaya an mga biktima na sila ni Monica Carino, 23 anyos, entertainer sa bar ug residente sa Purok 3, Brgy. San Juan, Surigao City lakip si Rally Mellapis, 40 anyos, taga-Brgy. Binucaran, Malimono. An suspek isa ka layaki na waya kilay-i. Sa inisyal na imbestigasyon nan City PNP, adisir mitumaw an pagpamusil, nag-inom an duha sa isa ka bar sa City Boulevard. Sa dihang mouli na, sakay sa motorsiklo, may layaki na nagsakay nan laing motorsiklo tagsundan an mga biktima, kalit na tagpabuthan sila sa makadaghan na higayon ug naigo sa lain-laing bahin sa lawas. Pipila ka nakasaksi an nagbutyag na adisir tagpamusil an mga biktima nosinggit pa an suspek nan mga pulong na “Ako ton uyab!” Human sa krimen an miikyas dajon an suspek sa waya mahibaw-i na direksiyon. > > > > >
