North Cotabato— Patay ang duha ka tao human mahitabo ang shootout atol sa operasyon sa Pikit PNP sa may Barangay Batulawan.
Giila ni Police Chief Inspector Romy CastaƱares, hepe sa Pikit PNP ang mga namatay nga silang Edzrapel Dima ug Basser Maniling nga susamang residente sa Pagalungan, Maguindanao.
Sumala pa nga igo lang miresponde ang kapulisan sa report nga adunay mga kalalakin-ang sakay sa usa ka motorsiklo nga makadudahan padulong Aleosan, rason nga gisundan.
Una matud pang gipabuthan sa mga suspek ang kapulisan rason nga mibalos ug pabuto sa ilahang armas ang kapulisan nga hinungdan sa kamatayon sa mga suspek gumikan sa igo pinusilan nga naangkon.
Narekober gikan sa posisyon sa mga nahisgutan ang usa ka unit sa Uzi caliber 9mm ug drug paraphernalias. gisuwayan pa ug dala sa balay tambalanan ang mga nahisgutan apan nakabsan gihapon ug kinabuhi.
Sa kasamtangan, ginasuta pa sa kapulisan kung miyembro sa usa ka organisadong grupo ang mga suspek.
