Patay ang duha ka sakay sa motorsiklo human makabangga sa sakyanan nga gimaneho sa usa ka opisyal sa pulis sa Misamis Oriental sa Highway sa Barangay Sinai, Laguindingan, Misamis Oriental kagahapon.
Parehong dead on arrival sa ospital ang mga sakay sa motorsiklo nga silang Marjun Langgam, 26 anyos, taga Mat-i, Davao Oriental ug Richard Gaid, 33 anyos, taga Sampatulog, Alubijid, Misamis Oriental.
Samtang ang driver sa Honda civic nga nabanggaan sa motorsiklo nailang si Police Lt. Col. Henry Cay-as, Head sa Misamis Oriental Internal Affairs Service.
Matud ni Police Staff Sergeant Jocarlon Trensira sa Laguindingan Municipal Police Station nga nagkasabot na ang pamilya sa mga biktima ug ang pulis nga magbayad kini sa tag 150-thousand pesos sa pamilya sa matag biktima.
