Duha patay samtang kapitan arestado sa operasyon sa RPDEU12

59

General Santos City— Patay ang duha ka mga target human misukol sa tropa sa Regional Police Drug Enforcement Unit samtang dakpan ang usa ka Brgy. Kapitan sa gipahigayong search warrant operation sa Lambayong, Sultan Kudarat.

Tulo ang target sa search warrant operations nga gipagawas ni Honorable Judge Alandrex Betoya, presiding judge, Regional Trial Court (rtc) branch 16, Kabacan, North Cotabato gumikan sa illegal nga droga, armas ug eksplosibo.

Ang mga namatay mao silang Mulod Saylon Kusain, 40 anyos aliyas Mistah, nga adunay warrant of arrest sa kasong murder ug gikonsiderang number 1 most wanted sa Lambayong Sultan Kudarat. nakuha gikan sa posisyon niini ang unom ka sachet sa gituuhang shabu ug armas.

Dugang pa nga patay usab sa maong operasyon ang usa pa sa mga target nga nanilang si Efren Sanchez human misukol dihang gisulod ang iyahang panimalay sa may Purok 4, Barangay Tumiao.

Narekober sa balay niini ang tulo ka sachet sa gituuhang shabu, kalibre 45 nga armas, mga managlahing matang sa buhing bala. Basi sa insiyal nga imbestigasyon sa kapulisan, ginahimong drug den ang panimalay niini.

Samtang arestado ang usa pa sa mga target sa operasyon nga nailang si Barangay Lilit Chairman Abdul Kinis Daud human kining makuhaan ug kalibre 45 nga armas ug mga buhing bala nga walay igong dokumento.

Facebook Comments