Padajon kuman na tag imbistigahan sa mga otoridad an nahitabong pagpusil patay kagaina sajo sa kaadlawon Hulyo 29,2018 sa may Pantalan 1,Sarvida St. sa isa ka 23 anyos na babaji , bar entertainer, na inkilay-an isa ka Monica CariƱo kasamtangan naghuya sa may brgy. San Juan ,SC sanan isa ka Rally Mellapis,40 anyos,minyo taga Malimono,SDN. Sumaya pa sa inisyal na imbestigasyon sa kapolisan na gikan sa isa ka imnanan an mga biktima sa may City Boulevard og sa did- on na nanguli,tagsundan an ila tagsakyan na motorsiklo nan suspetsado na nagsakay isab nan motorsingle dajon gipamusil na way kalouy an mga biktima,Sumaya pa sa nakasaksi sa insidente na nabatian pa nila namulong an suspect na “Ako ton Uyab” dajon gipusil an mga biktima hinungdan sa ila kalit na kamatayon tungod sa arang na igo sa nagkalain laing parte sa ila lawas.Isa sa motibo na tag imbestigahan kuman an posible na selos o kasuko ngadto sa mga biktima.(RadyoMaN Jerson Fuentes)
