Davao City – Duha ka miyembro sa rebeldeng NPA ang patay samtang usa ka sundalo ang naangol human miulbo ang engkwentro tali sa duha ka grupo nahitabo alas 3:00 pasado kagahapong adlawa sa Brgy. Carmen, Baguio Dist, Davao City.
Sa gipagulang report sa Police Regional Office 11 (PRO-XI), nagka-engkwentro ang mga elemento sa 3rd Infantry Division-Philippine Army nga gipangulohan nila ni 2Lt. Bartiquel ug 2Lt. Palmero sa gilusad nga combat operation batok sa kapin kun kulang 30 ka mga gituohang miyembro sa Pulang Bagani Command kun PBC 2 ug PBC 3 ilawom sa liderato nila ni alyas Bobby ug alyas Jeffrey nga milungtad og kapin duha ka oras.
Gani karon nagapahigayon og checkpoint ang Police Station 11 Baguio District atubangan sa ilang buhatan alang sa mas hugot nga seguridad.
RadyoMaN Jason Amisola
