Davao City – Gipangdala sa Southern Philippines Medical Center ang mga biktima nga nakaangkon og samad dinungaban sa nagkadaiyang parte sa lawas human sa commotion sa duha ka grupo sa mga batan-on nahitabo alas 2:30 sa kaadlawon didto sa dalang Block 9 NHA Agdao siyudad sa Davao.
Sa report gikan Sta Ana Pnp, naila ang mga samaron mao sila Christian Arancon hingkod ang edad ug laing usa ka Kimberly Galeos, 25 anyos parehong residente sa nasangpit nga lugar.
Matud pa ang duha ka grupo sa mga batan-on nga nag away mao sila Christian, Marlon Florez, 22 anyos, Richard Maganoy, 25 anyos tali sa grupo nila Carlo Maguate, 21 anyos ug Kimberly.
Nakaangkon og samad dinunggaban si Christian sa nagkadaiyang parte sa kalawasan niini samtang sa liog nga bahin gidunggab si Kimberly.
Ang duruha padayon pa nga nagpa alim sa balay tambalanan.
RadyoMaN Don Pulayao
