Davao City – Laing duha ka drug pusher ang nasikop sa Sta Ana Pnp human nakuhaan ug shabu atol sa gilusad nga buy bust operation natigayon sa managlahing operasyon.
Unang nadakpan sa Eastern St. Brgy Buhangin ning syudad ang usa ka construction worker nailang si Daniel Lupo Estrera alyas Dandan, 28 anyos nagpuyo sa Block 9 Sitio Bulakan Brgy.Wilfredo Aquino Agdao ning siyudad.
Ikaduhang naaresto sa kapolisan mao si Marian Babela Lora, 35 anyos nagpuyo sa Sitio Bulakan, Brgy. Wilfredo Aquino ning siyudad.
Narekober kang Estrera ang duha ka sachet sa gituohang iligal nga droga, 500 pesos buy bust money ug usa cellphone samtang nakompiska usab gikan sa posisyon ni Lora ang duha ka sachet sa iligal nga droga ug usa ka cellphone nga maoy gigamit sa iligal nga transaksiyon.
Ang duha ka mga dinakpan mag-atubang og kasong kalapasan sa RA 9165 kon Comprehensive Dangerous Drugs Act of 2002.
RadyoMaN Don Pulayao
