Davao City – Arestado sa kapolisan sa Sta. Ana ang duha ka mga drug pusher human napalitan ug nakuhaan og shabu nga mukantidad sa P10,000 atol sa gilusad nga buy-bust operation pasado alas-5:00 sa buntag sa Brgy. 33-D siyudad sa Davao.
Sa report gikan sa Sta. Ana PNP, naila ang mga dinakpan nga sila si Ederick Quianzon, 40-anyos, nagpuyo sa Ernand Sta. Cecilia Binuangan, Maco, Compostela Valley Province ug laing usa ka Harvey Depra, hingkog ang edad, ug residente sa Tagum City.
Matud pa malampuson nga napalitan ang duha ka suspect og usa ka pakete sa shabu kambiyo ang buy-bust money nga P1,000 diin narekober usab sa kapolisan ang upat ka pakete sa shabu, cash nga P200 ug usa ka cellphone nga maoy gigamit sa iligal nga transaksiyon
Gikunsidera sa kapolisan sa Presinto Dos ang duha ka dinakpan nga street level targets nga nagapamaligya og ilegal nga droga dinhi sa dakbayan.
Ang duha ka dinakpan balhog na sa selda sa kapolisan ug gi-andam na ang kasong pagsupak sa R.A 9165 kun Comprehensive Dangerous Drugs Act of 2002.
RadyoMaN Don Pulayao
