Davao City- Sikop sa kapulisan sa Mintal PNP ang usa ka tigpayuhot og iligal nga droga human gilusad ang buy bust operation kaniadtong Setyembre 27 alas 12:52 sa udto sa Purok 1, Santol street, Toril District ning syudad sa Dabaw.
Sa blotter sa Mintal PNP, giila ang dinakpan nga si Asejo Amad, alyas Amad, 43 anyos, minyo, Game Farm laborer ug residente sa Purok 1, Santol Street, Barangay Crossing Bayabas, Toril District, ning dakbayan.
Nakuha sa posesyon sa suspek ang tulo ka sachet nga gituohang shabu, drug paraphernalia ug buy bust money.
Gilusad ang buy bust operation sa hiniusang pwersa sa Davao City Police Office-Drug Enforcement Unit (DCPO-DEU) sa pagpanguna ni PSUPT Jed Clamor ug kapulisan sa Mintal PNP sa pagpanunga ni PCI Randy P. Sambalod, Station Commander sa maong police station.
Ang dinakpan balhug na sa Mintal PNP ug pasakaan og kasong kalapasan sa Republic Act 9165 kun Comprehensive Dangerous Drug Act of 2002.
Sa pikas bahin, nasikop sab sa pwersa sa Station Drug Enforcement Team ang usa ka street level target alas 12:15 sa kadlawon diin nakuhaan og pinaugang marijuana sa gipahigayong buy bust operation sa koordinasyon sa Philippine Drug Enforcement Agency (PDEA) XI ingon man ang San Pedro PNP natigayon sa Fatima Village Brgy. 19-B ning dakbayan.
Ang suspek giila nga si Julius Bancure, 19 anyos ug residente sa nasampit nga lugar.
Nakompiska sa kapulisan gikan sa possession sa mga dinakpan ang usa ka medium-size self sealed cellophane nga dunay mga pinaugan marijuana with fruiting top nga dunay one thousand ka pesos street value apil ang usa ka improvise nga tubo nga gigamit sa pagpamaligya og marijuana.
Ang dinakpan balhug na sa Philippines Drug Enforcement Agency kun PDEA-XI samtang gihikay na sa kapulisan ang kasong kalapasan sa Republic Act 9165 kun Comprehensive Dangerous Drug Act of 2002.
RadyoMan Renz Barbarona / RadyoMan Don Pulayao
