Davao City – Gikumpirma ni Police Major Rosario Aguilar, ang Hepe sa Talomo Police Station nga ang usa sa nadakpan sa Joint Anti-Illegal Gambling Operation ang nakabsan sa kinabuhi human giataki sa hypertension atoll sa operasyon sa Talomo Police Station nga gilusad sa KM9, Purok 12-A, Brgy. Matina Pangi, Davao niadtong adlaw’ng Martes, alas 9:30 sa buntag Oktubre 10 ning tuiga.
Sa report gikan sa Talomo Police Station naila ang dinakpan namatay nga si Junnie Toston, senior citizen og residente sa nasampit nga lugar.
Gidala pa sa mga awtoridad sa Southern Philippine Medical Center (SPMC) ang suspetsado apan nakabsan sa kinabuhi.
Gipasaka na ngadto sa korte sa kapulisan sa Talomo PNP ang kasong kalapasan sa P.D. 1602 batok sa laing nadakpan naghantak nga si Etchie Navaja Cambare og laing pang usa ka kauban og narekober gikan sa ilang posisyon duha ka sensilyo nga gigamit isip antugon og pusta nga kwarta nagkantidad og P1,960.00.
Ang duha ka dinakpan kauban sa namatay ang balhug na sa Talomo Police Station alang sa tukmang disposisyon.
RadyoMaN Don Pulayao
Facebook Comments
