Usa ka send-off ceremony ang gihimo karong adlawa alang aron ideploy na ang dul-an sa 10,000 ka mga pulis ug sundawo sa lain-laing probinsiya sa Central Visayas Region nga mobantay sa seguridad sa eleksiyon karong Lunes ,Mayo 14.
Gitapok ni Police Regional Office -7 director , Chief Supt Robert Quenery ang 8,000 ka mga pulis ug kapin 1,000 nga mga sundawo nga kabahin sa Task Force Cebu aron ideploy na sila sa ilang mga assignment sa eleksiyon .
Si Major Sandro Sereño , sa Task Force Cebu nibutyag nga ilang tutokan ang unom ka barangay sa lungsod sa Tuburan nga giila sa Comelec nga hotspot .
Ang PNP anaa na sa full alert status samtang ang AFP nagred-alert na usab nga pulos nagpasabot nga wa nay mga personnel nila nga makabiya sa ilang assignment .
