Davao City – Ciento por ciento na nga preparado ang mga awtoridad sa pagpatuman og hugot nga seguridad sa Davao City atol sa paghinumdum sa adlaw sa mga minatay.
Segun ni Public Safety and Security Command Center chief head Anghel Sumagaysay nga dul-an 10,000 ka mga awtoridad ang gipang-deploy sa tanang mga sementeryo.
Gihangyo ni Sumagaysay ang publiko nga mukooperar ug tabangan ang mga awtoridad pinaagi sa pagtuman sa giimplementang mga balaod sa tanang mga sementeryo.
Samtang matud ni DCPO City Director Police Col Kirby John Kraft nga No Leave Policy ang tanang pulis subay sa gipatumang heigtened alert status.
Subling gihimangno niini sa publiko ang mga gidili sa mga sementeryo: deadly weapons, droga, armas, eksplosibo, speakers ug mga ilimnong makahubog.
Sugod kagahapong adlawa dili na pweding magdala pa og mga panglimpyo sa mga lubnganan sama sa mga guna, pintura ug uban pa.
Gitataw usab ni Task Force Davao Commander Col. Consolito Yecla ang culture of security sa publiko diha sa pagsumite sa kaugalingon sa mga checkpoints.
Pahinumdum ni Yecla sa katawhan nga mamahimong masalutan ug adunay multang P5,000 ang mga tag-iya sa mga unattended bagages sa mga public places.
RadyoMaN Aimee Guinita
