Gikanayon ni Davao City Police Office-Traffic Enforcement Unit Chief of Police Major Dexter Domingo, dol-an 200 ka sakyanan ang ilang nadakpan ug na-isyohan sa citation ticket, tungod sa pagsupak sa new speed limit ordinance sa syudad atol sa unang semana sa implementasyon.
Segun ni Domingo, sagad sa mga nadakpan mao ang mga pribadong behikulo, motorseklo ug gamay lang sa depasaheroan sama sa Van Express.
Sumala ni Domingo, kasagaran sa mga nadakpan sa mga dalan sa Norte ug Sur nga bahin sa dakbayan. Sa sunod nga mga adlaw mag-focus ang operasyon sa mga Police Traffic Enforcer sa mga lugar sa Calinan, Lasang, Toril ug uban pang mga lugar.
Pahinumdum sa hepe sa mga motorista nga tamanon ang new speed limit ordinance aron dili madakpan ug mamultahan ingon man kaluwasan sa matag driver ug pasahero.
Ubos sa Ordinansa, ang unang pagsupak adunay multang P1K, P3K sa ikaduhang paglapas ug P5K sa ikatulong kalapasan.
RadyoMaN Joel Viray
