Dul-an 200 employers, nabisitahan sa SSS subay sa ‘RACE’ Campaign

Padayon nga ginalusad sa Social Security System (SSS) ang Run After Contribution Evaders (RACE) campaign kontra sa delinquent employers sa Davao Region diin ning bag-uhay lang, anaa sa dul-an 200 employers ang ilang nabisitahan.

Atol sa Kapehan sa Dabaw, May 13, 2024, gibutyag ni Dennis Calo, kinsa Acting Senior Communication Analyst sa SSS Davao, gisaysay niini nga dako og tabang ang maong kampanya aron mapahinumduman ang employers sa ilang obligasyon sa pagbayad sa SSS contributions sa ilang mga empleyado.

Kaniadtong Enero hangatod Marso 31, 202, nakalusad ang Mindanao South One Division og 22 ka maong kampanya diin anaa sa 177 employers ang nabisitahan ug 65 niini ang nakolektahan na sulod sa tulo ka bulan.

“Bisan pa og wala ning RACE Campaign, wala nagpasabot nga wala nay ginabuhat ang ahensya, atoang account officers makanunayon nga naga-monitor sa mga kompanya nga under sa ilang jurisdictions sama sa pag-issue og statement of accounts,” ang pagpasabot ni Calo.

Via Jackylyn Artiaga, UM Intern