Davao City – Dul-an 2,000 ka slots sa Trabaho Dabawenyo ang available ning panahon sa pagsibya.
Sa interview sa DXDC RMN Davao kang PCUP Commissioner ug Work for Davao program manager Norman Baloro, adunay mga na-disqualify sa mga nag-apply tungod kay na-doble ang ilang pag-avail sa services sa City Government of Davao.
Giklaro ni Baloro, ang Trabaho Dabawenyo gilangkuban sa mga ahensyang PESO Davao, CSWDO ug Office of Vice Mayor, busa og kinsa man ang naka-apply sa maong mga opisina, o naka-avail sa benepisyo na, di na pwedeng maka-avail og balik.
Matud sa Commissioner, ginasusi nila pag-ayo ang mga nag-apply aron dili magdoble ug mahatagan usab og higayon, ang uban nga wa pa ka avail sa ayuda sa gobyerno.
Subay niini, nanawagan kini sa mga dabawenyos nga mu-avail sa maong programa ug mamahimong muadto sa Door 7, Magsaysay, Davao City, (Mon-Fri, 8AM-5PM) ug (Sat-Sun, alas 9AM – 3PM). Magdala og valid IDs ug sundon ang health protocols batok COVID-19.
