Matud ni Harvey James Lanticse, Davao City Information Officer, anaa sa 150,000 ngadto sa 200,000 ka tourist arrival ang gilauman sa pagbalik sa face-to-face Araw ng Dabaw, diin gibasehan niini ang natalang mibisita sa maong selebrasyon niadtong 2019 o ayha ang Coronavirus Disease 2019 (COVID-19) nga miabot og 196,000.
Sa interbyu sa DXDC RMN Davao kang Police Major Catherine Dela Rey, tigpamaba sa Davao City Police Office (DCPO), hugot nga seguridad ang ipatuman sa maong month-long celebration diin kapin 11,000 ka security personnel ang ipakatag.
Walay pay opisyal nga kumpirmasyon apan gipangandaman na usab ang posibleng pagtambong ni Vice President Inday Sara Duterte ug kanhi presidente Rodrigo Duterte sa maong okasyon.
RadyoMaN Kirby Manzon
