Davao City – 75 na ka mga Barangays ang natunulan sa nagpadayong round 2 relief goods distribution sa dakbayan sa Davao.
Matud ni Davao City Mayor Sara Duterte, mikabat sa 197,100 ka mga grocery packs ang naapod-apod sa pagpanguna sa City Social Welfare and Development Office (CSWDO).
Miabot na usab sa 36,483 ka mga benepisyaryo sa economically depressed areas, ang nakadawat og rasyon nga gulay, karneng baboy, manok, isda, gatas ug uban pang produkto gikan sa City Agriculturist Office ug City Veterinarian’s Office (Agri-Vet) sukad Abril 2, diin 34,876 kilos nga isda ug 19,540 kilos sa manok ug karneng baboy.
“Nagasuporta ni sila sa trabaho sa CSWDO by making sure nga katong dili mahatagan og grocery packs, mahatagan sila’g fresh produce na mga pagkaon na manok, baboy, ug gulay,” saysay niini.
Anaa usab sa 1,000 ka litro sa gatas ang gihatag sa Dumoy ug 3,000 sa Barangay Tigatto, samtang sa Barangay Cabantian, nakadawat usab og 750 kilos sa karne, asin ug mantika.
RadyoMaN Aimee Guinita
