Davao City – Padayon ang issuance sa travel authority sa Davao Region ngadto sa mga Locally Stranded Individuals ug Returning Overseas Filipino Workers (OFWs).
Sa interbyu sa RMN Davao kang Police Regional Office XI spokesperson Police Major Eudisan Gultiano, 9,700 ka mga travel authorities ang napagula ngadto sa mga returning OFWs ug 9,726 travel authorities sa mga LSIs.
Musumada sa 19,426 ka mga travel authorities ang na-release ilawom sa PRO XI.
“Kung locally stranded ka pero within Davao Region ka lang dili ka kumbaga from one province to another province, dili na kinahanglan og travel authority medical clearance lang ang inyong ipakita. And our local commanders or mga station units allowed na mag-isyu og travel authority kay na delegate na sa ilaha,” segun ni Gultiano.
Samtang, giawhag ni Gultiano ang publiko nga i-report gilayon sa kapulisan kung adunay mameke ug gapabayad og travel authority.
Sumala sa tigpabama mamahimong mag-atubang og kasong kriminal ang mga madakpan.
RadyoMaN Aimee Guinita
