Dul-an 40 schools sa Davao Region planong magpatuman og tuition fee increase

Davao City – Sa unang semana sa Hulyo 2023 gitakdang ipagawas sa Commission on Higher Education (CHED) ang listahan sa mga eskwelahan sa Davao Region nga tugotan nga makapatuman og tuition fee increase.

Sa interbyu sa DXDC RMN Davao kang Christopher Pulido, CHED-Davao Supervising Education Program Specialist, gibutyag niini nga sa pagkakaron, anaa sa 39 ka tulunghaan ang mi-request nga mupataas sa ilang tution fee apan kini padayon pa nga gina-assess kung sila kwalipikado.

“We need to be careful that the school is really compliant with the requirements for tuition fee increase. At the same time, that they have fulfilled kadto ilahang promise when they last requested for tuition fee increase,” tataw ni Pulido.

Gipasabot sa CHED official nga subay sa guidelines sa pagbaton og tuition free increase, kinahanglang 70% niini maadto sa human resources pinaagi sa salary increase, scholarship sa mga personahe, trainings ug uban pa. Samtang 20% niini itagana sa pagpa-improbar sa pasilidad sa eskwelahan.

RadyoMaN Kirby Manzon