Halos 400 ka mga residente ang nisaksi sa gihimong dxCC-RMN Live sa Barangay nga gihimo sa Barangay Puerto kagahapon sa buntag.
Nakita sa mga residente ang pagprograma ni RadyoMaN Zaldy Ocon uban ang mga opisyales sa Barangay Puerto ug mga department heads sa City Hall.
Gikalipay sa mga residente nga ilang napaabot ang ilang mga concerns ug direktang natubag o napasabot sa mga opisyales ang mga angayng buhaton.
Nakauban sa dxCC-RMN ang tulo ka mga barangay kagawad sa Puerto nga silang Kagawad Urbano Cipada, Jr, Kagawad Marigold Dumaquit ug Kagawad Lolita Wahing.
Samtang ang mga department heads nga nitambong gipangulohan ni Acting City Administrator Teodoro Sabuga-a, Jr.
Human sa programa, nakadawat og mga ginagmayng pahalipay ang mga tigpaminaw, nahatagan sa snacks, nakasalmot sa food feeding, nahatagaan og libreng eye glasses, nakaparehistro sa ilang mga anak, nakapaibot sa ngipon, nakaparehistro sa philhealth, nakadawat og tabang gikan sa CLENRO ug nakapahimulos sa uban pang serbisyo gikan sa lokal nga kagamhanan.
Nahatagan usab og kahigayonan ang mga tigpaminaw nga makita ug makapahulagway uban ang mga anchors / reporters sa dxCC-RMN Cagayan de Oro.
Dako usab ang pasalamat sa dxCC-RMN ngadto kang Office of Community Affairs Head Oliver Egypto ug ilabina kang Mayor Oscar Moreno.
