Muabot sa kapin 3,000 ka mga estudyante gikan sa mga pampublikong tulunghaan ug kapin 200 gikan sa pribado ang naapektuhan sa landslide sa Barangay Masara, Maco, Davao de Oro.
Gibutyag ni Jenielito Atillo, ang spokesperson sa Department of Education (DepEd) XI nga aduna silay ginabuhat nga tracing sa maong mga estudyante nga anaa karon sa ilang mga paryente ug evacuation centers.
Subay sa sagunson nga kalamidad nga nasinatian karon sa Mindanao partikular sa Davao Region, matud ni Atillo nga adunay tulubagon ang mga dili apektadong mga tulunghaan nga mutabang sa mga naigo sa kalamidad.
“The part of the Department of Education will try to really extend help, provide assistance to our learners and teachers,” pamahayag ni Atillo.
RadyoMaN Ivy Parido
Facebook Comments
