Dul-an 4,000 naserbisyuhan sa passport on wheels

38

Davao City – Sulod sa duha ka adlaw nisumada ngadto sa dul-an 4,000 ka tao
ang natabangan sa ‘passport on wheels’ nga gilusad dinhi sa dakbayan sa
Davao.

Nagpasalamat si Department of Foreign Affairs Director Ricarte Abejuela III
sa lokal nga panggamhanan sa pag-asister kanila ug niini nagmalampuson kini
nga proyekto.

Matud ni Abejuela niani og positibong mga feedbacks ang ilang gipahigayong
aktibidad.

Sulod lamang sa 10-15 minutos ang proseso sa pagkuha ug pag-renew og
pasaporte pinaagi sa passport on wheels.

Sa tanang dapit nga giadtuan sa ‘passport on wheels’ gikan Zambales, Metro
Manila, Rizal, Tarlac ug Ilocos ang Davao gayod ang adunay pinakadaghang
naaprobahan nga mga pasaporte.

Gilauman nga aduna pay musunod nga ‘passport on wheels’ nga ipahigayon
dinhi sa lungsod.

Sa pikas bahin, gibutyag ni Abejuela nga adunay walo ka mga DFA consular
offices ang tukuron karong tuiga ug usa niini imuntar sa Tagum City.

RadyoMaN Aimee Guinita

Facebook Comments