Davao City – Gipasigarbo sa Police Regional Office XI ang 48.89% nga pagkunhod sa ihap sa krimen sa pipila na ka mga lugar sa rehiyon diin giimplementar ang Oplan Dabaw Kalinaw.
Nahimong epektibo ang programa sa Tagum City, Digos City, Munisipalidad sa Sta. Cruz ug Nabunturan sukad nga gisugdan kini niadtong Setyembre hangtod na karong bulan sa Oktubre ning tuiga.
Sumala ni Regional Mobile Force Batallion Officer in Charge Supt. Maximo Sebastian nga mokabat sa 6,063 ang nahimo nilang accomplishments diha sa intensified nga operasyon sa mga law enforcement units uban ang nagkadaiyang mga ahensya sa gobyerno ug ang ilang pagtabang mga mas maimposar ang mga regulasyon ug balaod sa matag lugar.
Samtang gipanguluhan ni PRO XI Regional Director PCSUPT Marcelo Morales ang send-off ceremony sa kapin 1000 ka mga personahe gikan sa RMFB XI, Davao City Police Office, Task Force Davao dinhi sa Davao City.
Ang maong mga personahe partikular na ang sakop sa PNP mu-conduct og checkpoints, chokepoints ug rounds of beat patrol sa syudad sugod karong adlawa Martes, Oktubre 16 handtod Oktubre 29 gikan alas 10 sa kagabhion kutob alas-4 sa kabuntagon ( 12 ka oras).
Kauban usab sa mga awtoridad ang mga nagkadaiyang ahensya sa gobyerno lakip na religious sectors.
RadyoMaN Aimee Guinita
