Sa report nga gipadala sa OCD XI, nasayrang naanod ang maong lalaki human niyang giapas og kuha ang mga gianod nga lubi bandang alas 10 sa buntag gahapon, December 18, 2023.
Samtang, miabot sa 12 ka mga munisipalidad sa kinatibuk-ang Davao Region ang naapektuhan sa bagyong Kabayan sulod sa duha ka probinsya nga mao ang Davao de Oro ug Davao Oriental.
Gani sa Davao de Oro, natala ang pagdahili sa yuta sa Brgy. Tandawan apan giklarong naaksyonan na kini dayon ug maagian na ang one lane samtang nagapadayon ang clearing operation.
Miabot na usab sa dul-an 500 ka mga pamilya o 1,833 ka mga indibidwal ang apektado sa lapad nga pagbaha nga mao karon ang gipaningkamotan og tabang sa lokal nga panggamhanan ug mga ahensya.
Sa pagkakaron usab, nagapadayon ang monitoring sa mga Local MDRRMO samtang padayon ang pagbundak sa ulan aron masigurong luwas ang katawhan.
RadyoMaN Ivy Parido
