Dul-an 500k droga nasakmit, 8 drug suspects gikiha

Davao City – Giduso na ang kasong paglapas sa RA 9165 batok sa walo ka mga drug suspects nga nasikop sa duha ka managlahing buy-bust operation sa Philippine Drug Enforcement Agency XI sa Davao Region.

Didto sa Block 13, Lot 11, Esmeralda North Subdivision, Barangay Apokon, Tagum City, Davao del Norte naaresto ang unom ka mga drug suspects sulod sa gituohang drug den atol sa joint buy-bust operation sa PDEA XI ug kapulisan.

Mobalor sa 255K nga droga ang nasakmit sa gilusad nga operasyon.


Segun ni PDEA XI spokesperson Noli Dimaandal sa interbyu sa RMN Davao, malampusong nadakpan ang target sa operation nga si Rey Besoro Aranton , 59 anyos ug nanag-iya matud pa sa maong balay diin natigayon ang drug activity.

Sa nasangpit nga buy-bust arestado sab ang laing lima ka mga drug den visitors nga sila Joey Magrelos, Allan Cabuyadao, Kurt John Algeria, Jomar Hesira ug Cherry Ann Torrejos.

Samtang, mokabat sa P180K shabu sad ang nasakmit sa PDEA-NBI buy-bust sa East Avenue Street, Holy Trinity Village, Cabantian, Davao City.

Sumala kang Dimaandal duha ang sikop sa pagpamaligya’g droga nga giila nga sila Jerry Lucero ug Eric John Baguinat.

RadyoMaN Aimee Guinita

Facebook Comments