Davao City – Gikan Enero hangtod Oktobre 2022, mosumada sa P9.4M kontrabando ang naharang ug nasakmit sa Task Force Davao.
Gibutyag ni Task Force Davao Commander Col. Darren Comia, sukad Enero 1 hangtod Oktobre 27, 2022, mobalor sa P3.2 million nga shabu, samtang P108,598 marijuana ang ilang nasakmit sa 162 ka mga indibidwal.
Samtang, P6 million sa smuggled cigarettes ang nakompiska sukad Mayo 11 – Oktobre 31, 2022 ug 23 ang mga nadakpan.
Sumala ni Comia, ang dakong kalampusan resulta kini sa hugot nga seguridad ug inspeksyon sa 5 ka mga border checkpoints sa Sirawan, Eden, Lacson, Malagos ug Lasang sa Davao City.
RadyoMaN Aimee Guinita
Facebook Comments
