Dul-an P1M smuggled nga sigarilyo naharang sa Task Force Davao

Davao City- Kasong paglapas sa RA 8424 kun National Internal Revenue Code of 1997 ang ipasaka batok sa duha ka mga suspetsado nga nadakpan sa Task Force Davao sa random checkpoint sa may Brgy. San Isidro, Bunawan District, Davao City.

Sumala sa Task Force Davao, naharang nila ang Fuso Fighter Wingvan nga gisakyan sa duha ka mga suspek nga giidentipikang sila Jose Mari Plaza Bretaña ug Parsol Darie Agassi, mga residente sa Davao City.

Ang maong truck adunay kargang 51 ka mga boxes sa suspected smuggled New Orleans cigarettes nga mobalor sa P793K.

Gibutyag ni Task Force Davao Commander Colonel Darren Comia, ang mga dagkong kantidad sa mga smuggled cigarettes nga nasakmit sa ilahang personahe sa checkpoint resulta kini sa striktong inspeksyon sa tanang musulod sa borders ug kini alang sa pagsegurong magpabiling hapsay ang syudad ug luwas ang mga Davaoeños.

Gidayeg usab ni Comia ang mga personahe sa entry points nga wala makalusot ang mga illegal nga sigarilyo sa syudad.

RadyoMaN Aimee Guinita