Dul-an P200K shabu nasakmit sa giingong drug den sa Carmen, DavNor

Davao City – Malampusong na-dismantle sa Davao del Norte Provincial Office sa Philippine Drug Enforcement Agency Regional Office XI ang gituohang drug den sa Purok 4B, Barangay Magsaysay, Carmen, Davao del Norte.

Sumala sa PDEA XI mokantidad sa P174,000 nga shabu ang nasakmit sulod sa maong lugar.

Atol sa gilusad nga buy bust operation naaresto ang sa mga awtoridad ang subject ug giingong drug den owner nga si Rodegelio Pogoy, 54 anyos human kini naaktuhang namaligya og usa ka medium-sized nga pakete sa “shabu” nga nagkantidad og P9,000 ngadto sa PDEA Agent nga nagsilbing poseur buyer.

Upat ka mga drug den visitors ang nadakpan nga sila Jun Rey Calaycay, Junior Ga, Ian Jay Magto ug Jhonrey Magto samtang pito ka mga pakete sa shabu nga anaa sa 11 gramos ug mukantidad sa P165,000, assorted drug paraphernalia ug buy-bust marked money ang narekober usab sa mga operatiba.

Gibutyag ni Aileen T Lovitos, Regional Director sa PDEA Regional Office XI nga kasong paglapas sa Republic Act 9165 otherwise o Comprehensive Dangerous Drugs Act of 2002 ang ipasaka batok sa mga suspek.

RadyoMaN Aimee Guinita