Dul-an P29M smuggled tobaccos nasakmit sa coastal area sa Brgy. Ilang

Davao City- Sa pagpanguna sa Task Force Davao ug Davao City Police Office (DCPO) kaalayon ang Bureau of Customs (BOC) XI, nasakmit ang kapin 1,000 ka karton sa gidudahang smuggled assorted cigarettes nga gibana banaang mukantindad sa P28,800,000 sa Minterbro Wharf, Brgy Ilang, Davao City, alas 6 sa buntag, September 25, 2023.

Sa press release nga gipanubayan sa DXDC, dakpan ang mga suspects nga nagpayuhot sa maong illegal nga mga sigarilyo nga mao sila Adzkel Omar, Abdul Rajik Alamansa, Aramil Rahamban, Faisal Ilahan, Mahmud Salapudin, Allan Julabi, Jedyd Waradje, Abdulnayan Aidan, Dionisio Salazar, Aljunib Sapairen, Daniel Tucop, ug Abdil Halim Patarasa nga nagsakay sa usa ka bangka nga duna’y numerong BARMM-BAS 032623-651.

Tungod niini, mapasalamaton si Force Davao Commander Colonel Darren E. Comia sa usa ka concerned citizen kinsa nisumbong sa ilang buhatan nga aduna’y kadudahang motor boat sa ilahang area ug siya malaumon nga daghan pang katawhan ang magpakabana sa culture of security sa dakbayan.

Kasong pagsupak sa RA No. 4712 kon ang Act Amending Certain Sections of Tariff and Customs Code of The Philippines (Smuggled Cigarettes) ang atubangon sa mga dinakpan.

RadyoMan Ivy Parido