Dul-an P2M droga nasakmit sulod sa drug den

21

Davao City – Narekober sa Philippine Drug Enforcement Agency XI atol sa gikasang buybust operation ang 150 gramos sa shabu nga adunay P1,800,000 nga street value sulod sa giingong drug den sa may Purok Centro, Barangay Tamisan, Mati City, Davao Oriental.

Segun ni PDEA XI Regional Director Antonio Rivera nga arestado atol sa buybust sulod sa maong drug den ang Number 9 Drug Personality Target List sa Mati City nga si Francis Joven Malintad Evaristo alyas Owen, 36 years old, residente sa Barangay Lawigan, Mati City, Davao Oriental.

Positibong napalitan sa asset sa PDEA ang suspek og P500 kantidad sa shabu.

Samtang arestado usab ang nibisita sa maong drug den nga si Rodel Pedraya Juanir alyas Bem-Bem samtang nakaikyas ang laing suspek nga si Genis Evaristo kinsa nakamatikod nga operatiba ang ilahang ka-transact.

Priso na sa Mati City Police Station ug kasong may kalapasan sa Republic Act 9165 ang giatubang sa duha ka mga dinakpan.

RadyoMaN Aimee Guinita

Facebook Comments